【奪命車禍】「城巴可以咁涼薄話無問題？」死者家屬促加強監管車長工時

深水埗前晚的城巴3死30傷車禍，死者親屬今日下午開始進行路祭。其中60歲姓謝女死者姨甥周先生認為城巴需要負最大責任，政府也責無旁貸，對司機長時間工作監管不力。 周先生指，爲何運輸署容許巴士公司司機連續工作14小時，就算之後休息10小時也不足夠，「10個鐘可以做到咩，搭車出入，返到屋企又要食飯啊、沖涼啊，有幾多時間真正休息」，「如果運輸署容許14個鐘可以無問題，如果城巴又可以咁涼薄話無問題，公道自在人心，係咪真係無問題呢」。 他希望，警方調查是否分心或疲勞過度導致意外，政府之後亦應作出跟進避免意外發生。他強調，城巴當然需要道歉，「唔係話政府規定咁樣你就可以做到盡，唔係話司機想踩多兩個鐘你就俾佢踩，合唔合理啊」，質疑城巴有無反省過「所謂編更制有無人性存在、有無良知存在」。 周先生指，城巴應該主動聯絡家屬，家屬有否需要是另一回事。他指，未與城巴商討賠償事宜等，城巴也無透露或承諾慰問金金額。 他更指，下午4時會舉行私人路祭，因昨天上午聯絡城巴，城巴當時稱不會舉行路祭，「佢哋唔會做，我哋都好無奈」，只好匆忙另覓師傅進行祭祀儀式。但到下午城巴管理層才回應會舉辦路祭，周先生指，問過意見兩者無抵觸，所以兩場路祭先後進行。