倪晨曦水著上陣騷Body　做運動戒糖Keep Fit

倪晨曦（Elva）日前為美容公司拍廣告，由朝早7點拍到晚上12點，拍足18 小時無停過，更要攀山涉水，但本身很愛戶外活動的Elva開心道：「我非常鍾意戶外活動，平時最愛玩yoga ，亦會去沙灘、行山，好鍾意出外，所一到夏天會曬黑。」 今次拍攝，Elva換了多個造型，最為養眼的必定是性感水著造型。Elva直言：「性感沒有問題，最緊要性感之餘要健康。雖然時間長又要換多個造型，但拍攝當日天氣很舒服，而且但室內景較多，所以唔辛苦。」

提到完美體態，問平日工作繁忙的Elva是如何keep fit？ 她說：「其實我好鍾意食嘢 ，keep fit心得首先就係少食多餐；唔好太極端去壓抑自己唔食，最終反而會變成暴飲暴食。我曾經好想食burger，但長時間唔畀自己食，最後反效果。最緊要係份量，食少啲，唔好叫太大份，唔食太多，可以滿足口感，但又唔係吸收太多卡路里；最後就係戒糖，甜嘢會易肥、水腫。」