唔畀千嬅落手 孝順仔Torres整曲奇冧媽咪

楊千嬅同丁子高結婚後，一直無停過放閃，自從成為「丁媽媽」後，po埋囝囝丁進諾（Torres）嘅可愛親子相，真係閃到眼都盲啦！一向錫囝囝嘅千嬅，今次就放咗同囝囝一齊係廚房嘅相，兩母子帶上手套整呀整，原來係整緊曲奇！不過咁都唔緊要，最重要係Torres見到媽咪落手，講咗句「mom .. I wanna do something for u doing by myself ！（媽媽..我想自己親手整啲嘢畀你！）」，聽到都冧！ Torres同千嬅一向都係咁溫馨，睇完都覺得甜到入心，千嬅聽完就哭笑不得，原本諗住落手一齊整，只好講句：「sorry ... 阻住你！」仲hasgtag咗「母親的感動」。 其實Torres唔係第一次整嘢食俾媽媽，上年都試過包雲吞，不過包完就好似想拎俾媽咪食，搞到千嬅立即話「仔呀，要煮㗎！」