客違規偷試衫後拒買 售貨員呻：點做生意

不少人到時裝店買衫扮靚，都會試身挑選適合自己的尺碼。近日一名女裝店售貨員於網上訴苦，指其女裝店一向沒有試身服務，店內亦貼有告示表明不准試身，其後一名約20歲的年輕女顧客表示希望試身，售貨員拒絕，然後入內取新貨予顧客，該名顧客懷疑在售貨員入倉期間偷試身，發現尺碼不合，故拒絕購買，更稱「我係消費者，你可以報警」，雙方爭拗一輪後，顧客就離去。 售貨員在Facebook專頁「大埔」群組訴苦，指她在大埔某商場一女裝店工作，一名約20歲女顧客到店內，詢問恤衫可否試身，售貨員指不可以，不久後就問售貨員有沒有新的恤衫，然後女顧客趁售貨員入倉取貨時，在店內試穿其他款式約值50元的衫，其後顧客指不購買剛才的恤衫。 售貨員指：「果（嗰）件唔要不如您要呢件啦（拎住佢試完嗰件$50），反正您都試左應該岩（啱）喎。」但女顧客表明可合心意不會購買，售貨員表示顧客違規試身又不購買令她難以交差，「好多客都系（係）會比（俾）一件錢試兩件，我地當然會收佢平果（嗰）件，咁就二選一，如果最後決定要返貴果（嗰）件就可以補錢換。」 女顧客指「您話冇得試，系（係）話唔比（畀）我入房試，冇話唔比（畀）我系（喺）出面試，其實好多鋪都可以就咁試囉」。她續指，「我一入黎（嚟）就冇諗住買，您又冇牌寫住如果試（咗）要賠錢，我系（係）消費者，您可以報警。」 售貨員呻如果每個顧客都「試完唔買咁點做生意」，又指「 今次就話試衫，下次唔知可能系（係）偷衫，有時啲野自己做過自己知，希望您下次可以將心比己，唔好為難人我都系（係）打工姐（啫）」。 網民紛紛表示明白售貨員感受，指「D（啲）衫唔岩（啱）心水，唔買唔緊要; 但人地（哋）講明不設試身仲要搞d（啲）咁嘅野，真係好乞人憎！」 亦有網民指買衫試身實屬應份，「衫唔試上身，有時真係唔知啱唔啱，以前亦試過，問清楚有冇得換，有冇碼，先俾錢後試（如無試身室去厠所試）唔啱返去即換以免行兩次。」