莫文蔚想同老公上堂偷偷拖手 怕被百厭陳奕迅整蠱

王梓軒擔任音樂節目《V My Guest》主持，請來莫文蔚（Karen）做嘉賓，Karen透露明年入行25周年，籌備新的巡迴演唱會同時，亦會錄新專輯。王梓軒又特別設計快問快答和心理測驗環節，問到「老公和音樂必須要放棄一個」時，Karen甜笑話：「老公絕對唔可以放棄！」。她又自爆每次長途工作返到屋企時，老公都會準備鮮花迎接，因為老公在求婚時無跪低又無​送​花，​所以​​準備花​當補償；兩公婆在家中​會一齊煮飯仔，令感情保持新鮮感。 玩心理測驗時，問Karen如返學準備開學如何選擇身邊朋友的座位位置？她決定老公坐在身旁，上堂可以偷偷拖手，其次將陳奕迅遠離自己同老公，因為覺得他最曳，怕會被整蠱。