鷲哥易先生孖住登台 對唱《書劍》《倚天》好合拍

無線劇《同盟》易先生歐瑞偉同《巨輪II》鷲哥吳岱融最近一齊上郵輪登台，兩家人都有去撐場。歐瑞偉太太及一對子女來捧阿爸場，吳岱融除了囝囝在新加坡當兵不能來，老婆鍾淑慧就帶同媽咪、妹妹及妹夫等一齊上船玩。 原來二人是多年好友，一齊拍過很多劇集，但合作登台唱歌就第一次，事緣郵輪找吳岱融時，叫他加個拍檔，他就找來歐瑞偉，鷲哥同易先生就此遇上。因為老友關係，歐瑞偉上載二人用餐時練歌的片段，兩兄弟來個Crossover，一個唱《倚天屠龍記》主題曲，一個唱《書劍恩仇錄》主題曲，兩首都是鄭少秋經典名曲，對唱起來又異常地夾，最重要二人練歌都非常投入，縱然畫面質素欠佳，音效仍不錯。