熊黛琳拒恭喜郭富城當爸：冇咁嘅需要

關之琳（Rosamund）、熊黛林（Lynn）、關心妍、吳雨霏等昨晚出席時裝派對，何超盈更以模特兒身份行騷；Rosamund則以設計師身份謝幕，險些仆親，幸好未有出事。Rosamund表示每次設計服裝也會選出一個國家為主題，上次以中東好成功，自言對任何服裝也夠膽穿著的她，今次設計系列有不少羽絨褸，因為她喜歡滑雪，而且經常著，就想設計得更加靚。 Lynn正忙於跟老公郭可頌合作時尚運動品牌網上生意，兩人更為品牌做生招牌。她說：「老公唔畀我同其他男模特兒影相，因為我要著運動bra top少布。」提到有傳舊愛郭富城的女兒已出生，她說：「我唔知，無呢啲消息，我唔會咁多事。（如城城公佈好消息，會否傳訊息恭賀？）我諗唔會啦啩！無咁嘅需要。」 首次行騷的何超盈笑言好驚，但感覺好玩，自覺今次表現合格，下次再行騷都一定是為了幫好朋友。談到為何不叫媽媽到場支持？她說：「明日我一早返澳門，都唔希望她來。（支持澳門選舉？）唔講啦！希望大家同我一樣支持媽媽同弟弟。」（攝影：羅安強）