蔡一傑許志安匿廁所試音大嗌 驚家傭嚇到報警

蔡一傑相隔14年再推出個人專輯，特別邀請相識30年的老友兼同門師弟許志安合唱一曲《男藍》。近日二人為新歌拍MV，傑仔飾演樂觀的「帥氣酒保」和的士司機，安仔飾演「灰爆打工仔」。安仔搞笑投訴：「劇本與現實不乎，我性格好樂觀架！」期間安仔更一展球技，導演特別要求某幾個桌球如何「走位」，安仔一Q完成，全場大讚。 安仔又爆料指為了這首合唱歌，選擇在傑仔屋企的洗手間作第一次試音，他笑說：「當日我喺佢屋企食飯，然後我哋就入廁所試唱，鍾意廁所唱歌有回音。但其實當時我好驚。嘩，兩個男人閂埋廁所門，喺裏面大嗌喎！我驚傑仔嘅家傭姐姐聽到會嚇到報警，我好盡量唱得細聲啲！」