警察扶伯伯過斑馬線獲讚「好有愛」 網民嘆司機唔讓路

香港的斑馬線與紅綠燈不同，只有一盞黃燈提示，根據運輸署道路使用者守則，「如果有人喺斑馬綫上，就要停車畀行人過馬路。」網上近日流傳一張圖片，指一名伯伯在斑馬線數分鐘都不敢過路，一名警察協助伯伯過斑馬線，網民均大讚好人好事，又指香港不少司機於斑馬線都不懂先讓行人過路，嘆司機不懂法例。 上載圖片的網民指，「唔係呢位阿蛇（Sir），應該無車會停俾（畀）阿伯過路，見阿伯成幾分鐘都唔敢過又無車讓佢，其實啲人知唔知要停車讓人過斑馬線㗎！好在有你」。有網民批評上載圖片者「其實下次你都可以幫手架，睇左幾分鐘咁耐都應該幫到」。 有網民呻司機不守規矩，「我試過緊班馬線仲要比車呠呀」、「試過因為讓斑馬線而俾後車呠...D（啲）人都唔知咩心態...例已經寫到好清楚斑馬線唔讓行人等於衝紅燈，當年我考車就返試場嘅時候有個伯伯想過斑馬線，如果嗰陣我冇停車我一定肥，所以我好深刻，喺斑馬線前都會慢車睇睇有冇人想過，有就一定讓。」 但亦有司機表示到斑馬線會一定讓行人先行，「朝朝都停，等班學生哥沖入學校😂理得後面呠唔呠我」、「我都試過停斑馬缐俾人砵，好似做錯咁」。