狠撇5年情o靚模 傳何廣沛偷嗒朱晨麗半年

無線熱播劇《超時空男臣》有收視、有口碑，連帶劇中飾演小太監的29歲何廣沛亦火速彈起，一致睇好他會更上一層樓，下一步升呢做男一冇難度。

不過，據最新一期《東周刊》報道，外表斯文乖仔的何廣沛，雖然一直聲稱單身冇拍拖，但實情拍《超》劇時假戲真做，竟與對手朱晨麗暗撻逾半年。二人在劇中發展「姊弟戀」，有大量親密鏡頭，想不到因此啜出真感情。據知，兩人的曖昧關係已成為劇組的公開秘密，出名口多多的蕭正楠及曹永廉更曾於網上直播中寸爆何廣沛，「點解朱晨麗會叫何廣沛買早餐嘅？點解我哋叫你（何廣沛）買，你又唔睬我哋？」令何廣沛非常尷尬。 據知，何廣沛更以事業為重做藉口，狠飛5年地下情女友、前o靚模組合Donut成員周梓盈，似乎貪新忘舊，認真人不可以貌相。