女子放狗隨處便溺晤執 網民鬧爆影衰狗主

養寵物是一生的承諾，除了照顧牠們的起居飲食外，還要帶牠們出街散步運動及便溺，作為負責的主人清理寵物的大小二便是責無旁貸，千祈唔好懶，以為無人見，側側身走人算數。 有網民在社交網Facebook專頁「西環變幻時」上載圖文，氣憤地指：「圖中的女子無論係碼頭或者係街放狗，都唔會清理大小便，就算睇住自己隻狗痾，佢都唔執，禮貌地提佢清理返佢都唔理，真係忍無可忍，就係呢d衰狗主影衰晒。」 網民紛紛議論，很多人都贊成影佢相，公開她的惡行，不過亦有人認為只影相無用：「你應該即刻報警 ，剩係影相公審有咩意思？」、有網民即回話：「大庭廣眾行得正、企得正，又點會有人公審你？」、「用意就係比人知道佢嘅惡行樣衰。報警？笑c(死)人」。 又網民指：「報得來都走左人啦，影佢相係最有效既方法」、「咁你下次咪繼續影囉，影多d 影完佢一定執架」、「社會環境清潔和諧相處大家有責任和義務」，「打電話去食環署熱線啦，呢種人除咗影響環境衛生，亦會影響其他狗主，因為長此下去，當局唯一方法喺禁止所有人及狗進入呢度，只有及早舉報，先可以幫到自己同狗狗。」

愛犬出外方便，放狗人士清理有責。食環署根據香港法例第570章 《定額罰款(公眾地方潔淨罪行)條例》第132章《公眾衞生及市政條例下，第132BK章 《公眾潔淨及防止妨擾規例》 ，任何人士容許狗隻便溺弄污街道，公眾地方或建築物的公用部分，可處最高罰款一萬元或定額罰款1500元。