艾美琦率騎呢女倒奶打Pat 稱樂而不淫途人睇得開心

艾美琦（Amy）率領8位騎呢女以泳裝Look現身沙灘，拍攝節目《今集奶醬多》，眾女可謂燕瘦環肥，靚女欠奉。她們即場玩鬥快飲荳奶，飲得最慢的女生要接受懲罰被Amy打Pat。身為節目主持的Amy表示會選出最玩得的一位女生，加盟為節目主持，又大讚每個也是玩得之人，經常被她虐待也不會嬲，更認為暫時最大機會是梁嘉欣和秦芷瑤被選中。

談到於公眾地方玩打Pat Pat，問到可會擔心被投訴？Amy說：「我見圍觀的人好似睇得好開心，有啲仲抱住小孩睇，我地玩到樂而不淫。」對於契媽黃夏蕙購買演唱會門票疑似被騙，她大爆契媽經常被人欺騙，試過最多被騙六位數（以十萬計）。