森美整蠱黃瑋琦講好鹹濕 張寶欣唔敢代家姐答戀事

《2017香港小姐競選》之「決鬥一分鐘」舉行，大會司儀森美率領10名候選佳麗，於台上分組進行小遊戲作比拼。百厭的森美得知4號黃瑋琦中文不靈光即整蠱她，笑指可將「今日天氣好熱」說為「我今日好鹹濕」，黃瑋琦傻傻的照說。森美笑謂：「我只會整蠱佢講『鹹濕』兩個字，到決賽如果佢講『鹹濕嘢』，我一定會制止佢嘅。」黃瑋琦坦言不知道「鹹濕」何解，下台後才知道真正含意，但沒有介意被森美整蠱。她笑笑說：「唔緊要，一邊學一邊笑。」

另外，張寶兒日前被指同袁偉豪拍拖，問到10號張寶欣知否家姐拍拖？曾自言口才不好的張寶欣突然連珠爆發地說：「我真係唔知，呢個係姐姐嘅私事，都係佢答返好啲。我又唔係佢心入面條蟲，唔知佢諗緊咩。」問到是否張寶兒教她答問題，她表現得支支吾吾，非常搞笑。她又坦言未見過袁偉豪真人，但有看過《打工捱世界II》。問到她可覺得袁偉豪跟姐姐合襯？她笑說：「香港小姐、香港先生，係唔係好襯吖？」