【剩11位港姐】直播劉穎敏被Foul 佳麗們擁抱安慰

《2017香港小姐競選》12名佳麗日前出發到台北拍攝，「Mall姐」宣萱及袁文傑亦有加入拍外景，之前已問過宣萱會否Mall姐上身，擺款淘汰佳麗，她已預告「叫得我嚟就唔簡單啦」。言猶在耳，今日下午一眾佳麗會見宣萱，Foul人過程在big big channel中直播，並由宣萱公告劉穎敏（Angela）出局。

佳麗們聽到結果後即安慰Angela，大家都哭成淚人，似乎在短短的相處時光中已建立了友誼。事後Angela很快已平復心情接受訪問，她坦言：「其實我已經學咗好多嘢，可以去台北，又學拍戲、跳舞。參加香港小姐係我嘅夢想，依家都參加咗。其實都預備最壞諗法，個人都平靜啲。我諗我太平均，冇乜邊方面係突出，所以出局。」問到她被Foul後有何打算？Angela表示睇TVB有何計劃，知道選美不成都可以有演出機會，並計劃返英國讀書，目標是教導小朋友；為了選港姐減肥10磅的她最想食飯兼增肥，更已相約佳麗們在競選過後齊齊食炸雞、肥膩食物。