黎明遭拖欠製作費騷照開 雷頌德讚偉大：個個有收錢得佢冇

雷頌德（Mark）與周沂（Stella）到電台受訪，談到有指黎明（Leon）日前於廣州的演唱會被主辦單位拖欠製作費，擔任演唱會音樂總監的Mark表示過往開騷前會收齊錢，今次主辦商提早賣飛，歌迷已買了門票不能取消。他說：「或者有啲人會照cut（取消演出），但Leon唱埋佢，因為歌迷無罪，佢8年冇喺廣州做騷。」Mark認同Leon做了很好的決定，大讚對方偉大。問他有否「蝕水」？他說：「冇，咁先偉大，佢話唔駛驚，你哋個個照收到錢，只係我（Leon）冇 。」下一站於9月在佛山的演出，Mark表示應該收齊錢，因廣州唱兩場有點複雜，有些尾數收不到。

至於Stella新歌《誤會太深》邀請Mark擔任歌曲監製及拍攝封面，Mark更借出電單車拍攝，他笑稱自己是員工，對方是老闆，又笑Stella像「女版王傑」。二人之前曾合作，Stella一直很欣賞Mark，受對方的音樂影響，今次調轉身分由她做老闆，與欣賞的監製合作達成音樂事業的心願。問如何報答？Mark即笑說：「畀錢，佢儲咗好耐錢還心願。」Stella自認是個好老闆早已找數。（攝影：張穎芝）