(有影片) 星星Talk樓 黃又南

「歌影藝人」黃又南 擬租轉買瞄準港島樓 在演藝界耕耘多年的「歌影藝人」黃又南瓣數多多，一直以活力充沛形象示人，近期因為父親病情加重，使他的置業目標更加明確，努力為家人提供舒適的安樂窩，現居將軍澳的他，原來心儀港島區物業，希望透過經理人協助下盡快儲夠彈藥，買下心目中Dream House。 又南從小開始居住於港島區，一直心儀該區環境舒適，交通方便，但因為近年樓價、租金升幅驚人，使他不得不另覓住處。「我同屋企人現時租住於將軍澳區的私樓。本身租住太古城，但因為前幾年被業主瘋狂加租，一開始一個月加4000元，我照畀；但轉眼間又再加8000元，我覺得實在太離譜，根本變相係幫人供樓，所以就有搬屋的念頭。」 鍾情老牌屋苑 幸好又南媽媽從事地產界十多年，對各區筍盤瞭如指掌，得知將軍澳區有適合的租盤，就馬上搬屋。「由於藝人工作關係，我需要好多空間存放衣物，所以希望屋企既實用率夠高，可以方便擺放東西，好像舊居太古城一類的老牌屋苑，一般實用率都有8、9成，屋內傢俬擺位好方便，但新式屋苑通常只得6、7成實用，所以一見將軍澳有啱心水的屋苑就即刻搬入去。」 家人是又南置業的大前提，為了令他們生活更舒適，又南一早有買樓念頭，亦表示會努力儲蓄，一步步向目標邁進。「始終屋企人養我成廿年，我好希望可以報答他們，所以一直有買樓的念頭。」「雖然而家租住的單位都幾滿意，而且方便我係九龍區工作，但可能因為從小於港島長大，心裹一直有個情意結，希望將來可以係港島區賣樓，令屋企人住得舒服一點。」 至於上車大計，又南自言理財觀念差，覺得單靠自己很難成功儲到首期，為儲首期出盡法寶。「我自己一個儲錢既話好困難，所以我主動同經理人提議，寧願每個月出糧出少啲，只要夠使就得，其餘都會儲起。另一方面，最近都透過經理人密密接各類工作，希望盡快儲夠錢。」 深明上車苦況 現時不少年輕人都認為上車艱難，又南深明箇中苦況。「我都覺得好難，因為香港的生活指數很高，雖然而家有最低工資保障，但其實一個普通年輕人大概只有月薪兩萬左右，無論要買樓或者租樓都好辛苦。以租樓計，一個普通細單位都要一萬蚊左右，水、電、煤，還要交稅，其實都所剩無幾。如果想買樓就更難，有些人可能會向銀行借貸畀首期，成件事就會更加辛苦。」 對於投資地產，部分人會選擇入場門檻較低的海外國家買樓，又南亦有相關念頭。「我有想過的，但空想而已。曾想過在日本買樓，因為日本生活指數低了，房屋價格對比香港是便宜些的，日本、泰國我都諗過。因為我經常去這兩個地方旅遊，又會熟悉一點。我甚至攞過當地的樓盤單張看過，又有朋友帶我去日本睇過一戶建、別墅之類，對比香港一幢別墅的價格差很遠，便宜很多。整體來說，香港真是一塊黃金地，好貴！」Hair and makeup : Henry Tse@ BigCstyling