(有影片) 星星Talk樓衛詩雅

「俏藝人」衛詩雅 儲足首期明年圓置業夢 近年片約不斷的衛詩雅(Michelle)，原來閒時喜愛到處睇樓，由屋苑單位至逾千方呎的洋房放盤都有留意，她預期可於年內儲夠首期，有意於明年實踐置業大計，購入逾千方呎村屋與家人共住，往後亦有意於日本或泰國置業，作渡假及未來退休之用。 「好想置業，這是我現時的其中一個目標。媽咪細細個已經灌輸要「有瓦遮頭」這思想，所以我一直以來都有這個目標，想擁有一層屬於自己的物業。」Michelle透露，自踏出社會工作後，已開始儲首期及睇樓，近年更愈睇愈大，由數百方呎的上水屋苑單位轉戰逾千方呎的單幢洋房，至今已睇過近30個放盤，涉及不同類型的物業。 藉睇樓定目標 「次次睇完都好想買，但下次嗰間又會更加想買。」Michelle笑言，睇樓除了滿足自己八卦的個性外，亦希望藉此定下短期的目標，推動自己努力工作儲彈藥，盡早實踐置業大計。 「有時我會睇一些暫時無可能買到的樓，畀一個目標自己。另外，我認為睇得多識得多，有錢買的時候就唔會因為心急而買錯。」 睇樓多年，見證本港樓價持續攀升，Michelle坦言偶爾亦會後悔沒有在15年把握機會入市，購入九龍塘一伙複式戶。 她憶述，該放盤約1000方呎，叫價僅900多萬元，當時她雖然遠在馬來西亞拍戲，亦特意致電回港與家人商討，更得到公司支持，惟最終未有購入，令她現時都會覺得「揼心」。 瞄準單幢村屋 Michelle預期年內儲夠首期，有意於明年在新界區購入逾千方呎單幢村屋上車，與家人共住。「我成日活在自己的夢中，希望買到一間好靚嘅屋，但就唔話畀父母知住，裝潢完後，有一日就話帶你地去睇樓，叫佢地自己開門跟住問佢地鍾唔鍾意呀，我買咗㗎喇！你哋快啲搬嘢入嚟！我好想做一個咁樣的效果，我想趁佢哋仍後生的時候畀佢哋一個回憶。」 近年部分港人選擇投資海外物業，Michelle由於拍攝電影的緣故，亦經常有機會於不同國家停留一段時間，拍戲空檔時間亦趁機到處睇樓，去年曾經想購買馬來西亞物業作度假用途，最終考慮到自己仍在事業衝刺期，難以經常到當地度假而放棄。惟她的「海外置業夢」並未因而擱置，未來仍會考慮購入泰國或日本物業，作往後退休居住之用。 場地提供: Goobne Chicken