摩根大通打算第四季引入交易機械人

華爾街大行摩根大通話，打算第四季起引入表現快靚正嘅交易機械人。其實由投資銀行多年前開始使用人工智能（AI）運算程式 ，大家都可以想像到有朝一日同大客或散戶落單甚至理財嘅經紀，都可能唔係「人」，至於會唔會話好似某O的業界博客話咁，若果連股市嘅大手基金投資者都用機械人嚟做買賣決定，觸發一個大跌市，情況就會慘烈好多喎！ 係真唔係呀？據摩通嘅全球股票電子交易負責人Daniel Ciment介紹，呢部叫「LOXM」嘅機械唔單止係機械式執行指令，佢嘅特色係能夠利用深層強化學習方法，從以往幾十億條實盤同模擬盤歷史交易中學習，歸納經驗同教訓，解決更加複雜嘅問題，例如係點樣喺唔驚擾市場價格情況下大手拋股票喎。 摩通呢個團隊仲說明，除O左執行交易指令之外，AI機械人仲有好多其他潛在用途，例如自動做對沖操作或者做市。不過，LOXM唔同其他投資顧問，冇做決策嘅能力，唔會決定買賣目標，仲話一定要得到客戶點頭同意，摩通至會動用機器人。