摩根大通打算第四季引入交易机械人

华尔街大行摩根大通话，打算第四季起引入表现快靓正嘅交易机械人。其实由投资银行多年前开始使用人工智能（AI）运算程式 ，大家都可以想像到有朝一日同大客或散户落单甚至理财嘅经纪，都可能唔系「人」，至于会唔会话好似某O的业界博客话咁，若果连股市嘅大手基金投资者都用机械人嚟做买卖决定，触发一个大跌市，情况就会惨烈好多喎！ 系真唔系呀？据摩通嘅全球股票电子交易负责人Daniel Ciment介绍，呢部叫「LOXM」嘅机械唔单止系机械式执行指令，佢嘅特色系能够利用深层强化学习方法，从以往几十亿条实盘同模拟盘历史交易中学习，归纳经验同教训，解决更加复杂嘅问题，例如系点样喺唔惊扰市场价格情况下大手抛股票喎。 摩通呢个团队仲说明，除O左执行交易指令之外，AI机械人仲有好多其他潜在用途，例如自动做对冲操作或者做市。不过，LOXM唔同其他投资顾问，冇做决策嘅能力，唔会决定买卖目标，仲话一定要得到客户点头同意，摩通至会动用机器人。