胡定欣為姊妹操刀影相 黃智雯勁滿意作品

胡說八道會寓工作於娛樂，日前齊齊飛去澳洲兩星期拍旅遊節目，大肚婆胡杏兒開心晒相，陪成班姊妹落酒吧、又拎住靚靚肖像畫影相，玩得相當開心。

胡定欣更由視后化身「影」后，充當攝影師為好友影靚相，並開心話有得發揮：「有靚人靚景，當然可以影返夠本」。滿意作品的黃智雯分享「沙龍」，大讚定欣：「Hello everybody，會唔會太靚呀？by my sweetie @nwuuu #豹嫂叫我唔洗咁謙虛wor #胡說8道去旅行」。有靚人有靚相又使乜謙虛，分享多啲旅行相益粉絲啦。