回饋黃霑當年塞錢入袋 曾志偉出資撐黃宇詩賣內衣

黃宇詩和曾志偉出席合資的內衣品牌分店開幕禮，黎芷珊及谷德昭到場支持。創立內衣品牌踏入第5年，宇詩笑指志偉從來無問過公司運作，雖然這樣反而給她壓力，但仍多謝志偉撐她。她說：「將第1間店賺到的錢去開這間分店，亦會做新發展同研發。今次投資比上次少啲，都要6位數（以十萬計），不過裝修慳住，搵朋友跟進。」她希望可在九龍區開分店，也透露一直想做男裝內衣，但未有機緣。

一向有投資生意的志偉，因為宇詩乖女，亦跟其父黃霑亦師亦友，所以當初知道宇詩想做生意，他立即以行動支持及給予意見。他說：「其實都係用咗啲錢，佢爸爸成日話塞錢入你袋，塞咁多錢入我袋，我拎返出嚟投資啫。」他笑指以為開分店要再投資，收到電話卻原來只要他到場飲香檳。問到可會為男裝內衣做代言人？他說：「呢種代言人唔係好做到，我要著隱藏實力的系列，如果搞男裝內衣我就可以畀意見啦！」問到是否等待內衣店上市？他笑謂當然。（攝影：朱偉彥）