旅行遇陌生人搭訕　朱智賢驚俾變態佬捉走

張振朗、譚凱琪及朱智賢等人出席明珠台《浪遊太平洋》宣傳活動，朱智賢坦言見過朋友於斐濟拍攝的照片後，令她想去當地旅行，因為景色藍天白雲很美，又指曾為旅遊節目到南非拍攝，更有機會拖住隻豹同行。她說：「拖住似寵物，之後有朋友話如果一啖咬你無命！不過啲人有叫我小心，相信畀得我拖住都ok。」曾任職空姐的朱智賢笑指曾經試過在外地有人走來搭訕，但自己會盡量小心，她說：「唔知係咪對你有興趣定變態佬，因為我成日睇恐怖片，如果捉咗去15年會好驚。」

譚凱琪表示因拍旅遊節目玩過笨豬跳同跳傘，從而由細膽變到大膽，但這些是人生必做的事，不過好想去非洲睇動物大遷徙。談到於外地可有艷遇？她笑謂在西班牙睇球賽時，被一班人將她拋起至半空，當時驚到望住團友忍不住眼有淚光。