譚玉瑛否認秘婚20年：依家唔興結婚

陸詩韻和譚玉瑛出席醫學中心開幕禮，對於凍齡心得，譚玉瑛笑指每日飲紅酒，亦會做運動，但不會揀飲擇食同強迫自己早睡，生活較為隨意。提到有指她跟圈外男友已秘婚20年，她否認其事，更笑謂現今不興結婚。她說：「你地in啲啦！結婚又講，生仔又講，我覺得無需要結婚。」談及蓋世寶跟無線只有半年合約，她坦言於社交群組得知消息，但對方未有計劃將來如何，大家未傾得好深入，但認打工不會做一世，最重要是不要灰心。

另外，陸詩韻表示本身的體質較為寒底，而且皮膚較白會容易現瘀傷，曾試過20歲時跟男友到泰國玩，因坐電單車導致左小腿留下疤痕，當時未有電單車牌，更笑謂似《天若有情》。有駕電單車經驗的她指曾被死氣喉燙傷，當年更被姑姐嚇她有疤不能參選港姐。 身穿斜肩服裝的陸詩韻表示因執拾公司時，被跌下來的文件夾撞瘀肩膊，所以利用服裝遮掩。記者笑指她應找個男友呵返時，她謂經已叫針灸師呵返，因可以促進血液循環散瘀，她說：「好多朋友見到我嘅傷會問發生咩事？費事俾人以為施暴。」