拒跟心穎BB同居玩試婚 馬明：未知係咪終身伴侶

馬國明自內地拍劇返港，就立即被拍得與緋聞女友黃心穎約會行街街，不過馬明未有透露進一步的感情發展，但承認跟心穎BB會玩自拍、不會試婚！ 馬明在活動中自拍卻表現生硬，他稱男仔很少自拍。有說自拍能增加情趣？他興奮反問：「會咩？」繼而坦承跟心穎有玩自拍，不過被女方嘲很「渣」，要多加練習。提到他在內地拍完《深宮計》返港，隨即被拍得與心穎撐枱腳，他謂：「我返港後第一次出街咋，咁厲害咁都影到，唔知係咪嚮佢屋企樓下捕咗成個星期。」

最近忙搬新屋的馬明表示，希望下星期到丹麥拍旅遊特輯前可完事，笑問是否與心穎築愛巢？他否認說：「我是跟父母和家姐同住。（預張大床畀心穎？）無咁多間房呀，況且她都有新屋。（反過來搬入去？）唔會，我有自己屋企。（感情穩定會否同居？）無諗過。（試婚呢？）我唔識呢個名詞，亦唔知點做，試完可分？咁男仔咪好著數，總之要了解先，只相處幾個月好難知道對方是否終身伴侶。」