(有影片) 星星Talk樓 菊梓喬

創作歌手菊梓喬 「租樓等同幫人供樓」 去年出道的菊梓喬(Hana)，因為演唱劇集主題曲而為樂迷熟悉，平日工作雖然十分忙碌，亦有透過不同渠道了解本港樓價的走勢。租樓多年的她，認同「租樓等同幫人供樓」說法，並笑言「置業當然想愈快愈好!」，希望建立屬於自己的家，雖感樓價偏高，惟認為若作長綫投資，磚頭尤如等同穩勝。 現時獨自租住大埔舊樓的Hana，自小因家庭因素而需要經常搬屋，租樓經驗豐富，笑言「住勻全港18區」。「以前有段時間不停咁搬，一年搬一次，真係好麻煩，揀樓一定要位置方便，盡量是地鐵站附近，樓下一定要有巴士。」Hana坦言交通配套是租樓時的重要考慮因素之一。 轉租新界樓節省租金 「𠲖家租樓是愈來愈貴，租一間屋閒閒地都萬餘元，所以都有開始留意去睇，萬餘元可能係細細間，可以放張單人牀，客廳細細間，放完一張飯枱就完咗，沖涼要企係度，已經沒有以前可以泡浴那樣的事情。」Hana認為，市區租金偏高，因此租樓時會選擇新界等地區，如大埔及西貢，用時間換空間。 Hana租樓多年，坦言認同「租樓等同幫人供樓」說法，惟由於事業正處於起步階段，收入仍不大穩定，因此未有為自己上車訂下時間表，希望通過努力儲蓄令這一天盡快來到，建立屬於自己的家。「其實我本身都節儉，不會亂買嘢，成日覺得我買咗個樣嘢、好快就不可以再用，尤其是我地，不可以一個袋用很多次，或者你不可以買樣很貴的物件，所以如果真是有錢我會儲。」 近日新盤熱銷，不少港人於一手市場上車，惟Hana表示，自己較鍾情二手物業，唐樓及村屋亦納入將來置業考慮之列。「可能我是比較實際的人，我認為新樓很多時租金或買樓的錢一大半都是花在大堂及會所，我又不是經常去會所，大堂我都是經過而已，寧願慳番筆錢去買個舒服些的單位。」她表示，買樓首重實用，物業新舊屬其次，會將買樓慳的錢用作單位布置及裝潢。 買樓首重實用 她續指，單位間隔上，希望採用開放式設計。「可能由細到大住的地方都好多房，正常有客廳，有廚房，但睇得多外國的劇集，好多都是STUDIO，一大間房，沒有局促的感覺。我不貪心，我覺得有400至500方呎已經夠。」 除住宅以外，原來Ｈana亦有留意本港的車位及工廈買賣，認為同樣具備升值空間，且入場費要求相對較低，可作為投資的入門，儲足彈藥再購入住宅物業。「見到真係永遠只有升無跌，所以如果有一日有錢，直係有儲蓄的話都應該投資下，但可能未必是樓，可能是車位都是一個不錯的選擇。」 服裝提供：CAVN