公審「內地婦」綁繩拖女　發文者遭圍剿：外國都有

網上近日流傳一張相片，一名媽媽「一拖二」，手抱一個嬰兒，另一隻手卻要照顧另一女童，不過出現爭議的卻是媽媽不是「親手」拖女兒，而是用一條像「橡筋繩」圈着女童的手，然後帶着女兒走，發文者指「大陸女人咁對個女」，結果卻招來罵戰，多數留言者指「絕對冇問題」，又說是「外國發明嘅防走失帶」，質疑是否挑起矛盾。其實類似的爭議，前年亦曾出現，當時本港藝壇盛事巴塞爾藝術展（Art Basel）用幼童雙手綁上繩結，被導賞員拉着參觀，但大會反指學童是手持繩結，沒有被綁着。

網民拍攝到該相片，雖然只是說「大陸女人咁對個女」，而背景出現香港市區的士，則惹來網民反擊，網民指「個女又唔係瞓住嚟拖唔明有咩好討論」、「我都有買，諗住旅行用。個女人一個抽兩個，如果個女百厭啲走左馬路或者多人走散左點算」、「好多人都咁啦 做乜標籤大陸女人先 好心唔好乜鬼都鬧人啦」、「香港都見過！其實 總好過 佢自由行 起碼安全啲」。回覆幾乎一面倒轟發文者。 但為何不自己拖好小朋友，而要用這種防失帶？有網民解釋：「安全第一，用呢種，小朋友隻手唔洗舉高，大人又唔洗怕甩手或被人捉走!有乜問題？」