吳啟華闖神州搞甜品舖　孖白滑女粉絲露膊打卡

藝人吳啟華港人當然認識，除咗在大台妙手仁心的醫生角色程至美深入民心，以及近年變成咪咪姐二號，日日提大家要洗牙之外，其實還有另一面香港人鮮有人知。其實吳啟華自己也有搞生意，近年在大陸孖埋朋友人一齊投資巨額，開辦雪糕甜品舖，生意仲越搞越大，開足全國十幾間，近日更在廣州開舖，搵埋一班粉絲撐枱腳兼打卡，其中一名女粉絲更露出白滑香肩，證明啟華的粉絲質素認真高！

吳啟華呢期夥拍李思欣、朱慧敏合演電影《奪命追兇》，該片在深圳拍攝，未知是否近近哋，所以啟華順道去為分店開幕？其實今年吳啟華經已53歲，Keep得勁好的他，與《妙手仁心》程至美無分別，不過在於銀行戶口應該多了幾個零。