【被爆小產】Miki降呢為朋友　Kary：唔使在意title

吳雨霏（Kary）和桌球手吳安儀出席活動，Kary提到今年將於內地舉行5場演唱會，寄望年底或明年初在香港開騷，到時再邀請好姊妹捧場。提到盛傳因爆她小產而反目的楊愛瑾（Miki）視她為朋友，Kary表示沒看報道，但承認有短訊聯絡，大家仍是朋友，並非如報道講的嚴重。

不過說到二人近期沒有同枱食飯，Kary謂：「之前各有各忙，我又飛得多，要是夾到時間也會見個面食餐飯，始終由Cookies出道認識至今有15年時間，很難得。（原諒了Miki？）我唔想再追究，亦唔想再提起，整件事我已經放低很久了，要發生的都已經發生了，做人要向前看，我為人較正面， Life goes on。」不過提到她形容與Miki 是朋友卻不是姊妹關係，Kary未有更正，再度指二人是朋友，叫大家不用在意title。

另外，Kary又爆老公原本很驚大狗，現在卻跟家中的11個月大的大狗比自己仲Friend，經常攬著愛犬不知幾sweet。笑問老公攬狗定攬她多？她笑指暫時還是自己領先，不過仍被取笑她呷狗醋。