陸漢洋Call朋友開生日P　壽星苟芸慧當面「家訓」男友

苟芸慧昨日34歲生日撞正好姊妹王君馨補擺喜酒，為王君馨做完姊妹團後，苟芸慧都話留返時間搵有米男友陸漢洋慶祝。話晒二人拍拖後過第一個生日，陸漢洋都花盡心思冧女神，事前已Call齊朋友開P，送上3個生日蛋糕同花，好鬼Sweet。

苟芸慧開心分享靚相，並留言：「謝謝大家幫我準備的生日Party！今年的生日願望是希望我愛的人都健健康康，甜甜蜜蜜」。陸漢洋亦貼圖分享同女友嘅相處時刻，見苟芸慧好似講緊嘢，陸漢洋十足綿羊專心聽女友「訓示」，仲話：「家訓進行中 ... 生日『真係大晒』架（㗎）！你小心十月份 ...」10月輪到陸漢洋生日，到時女友苟芸慧要花心機氹男友啦。