吳家樂胸壓E cup鍾采羲咀嘴　高海寧火辣泳裝夠養眼

王晶監製的《賭城群英會》跟足其風格，不時灑鹽花吸收視。噚晚播出嘅一集落足力「胸」群出動，先有吳家樂喺劇中同阿爸嘈完交，飲到醉晒上門搵E cup鍾采羲（Iris），吳家樂抱起Iris玩轉圈圈，仲瞓落梳化胸壓胸咀嘴。

另一場戲就係高海寧（高Ling）扮「出水芙蓉」，孖埋文凱玲、黃浩然、何浩文游水，睇到人金睛火眼。為咗拍落水戲，高Ling跑步跑足3個月同戒口Keep Fit，效果的確冇得頂。高Ling亦喺社交平台上載當日嘅游水相，有黃浩然、何浩文作狀Kiss搶鏡，搞到高Ling話：「麻煩幫我P走他們！#愛搶鏡頭的兩兄弟」，唔緊要啦，始終都係性感高Ling最煞食。