G.E.M.紅館騷門票銷情麻麻　網民：怕佢賣唔晒

G.E.M.（鄧紫棋）繼前年開過5場紅館騷後，今年再回歸紅館，喺9月開兩場騷，門票分為$1980、$898、$698、$498和$298。今日朝早10點準時公開發售，座位表漆黑一片，又係Hold起大量門票作信用卡優先訂票同內部認購。 唔少網民以為「一定秒殺啦啲飛」，點知今日下晝6點入售票網，依然有唔少票價任大家選購。當然有G.E.M.嘅忠實粉絲早已掃光兩場$1980 VIP套票，相當捧場。見到此情形，網民都搞笑話「仲有得賣嘅喂？」、「我怕咁樣都賣唔晒啲飛囉」、「宇宙最強呀」。