唔怕淫審處　Ben Sir開騷照講粗口諧音

「Ben Sir」歐陽偉豪一連兩場棟篤笑《BEN SIR開SHOW》晚上在九展開鑼，西裝畢挺的Ben Sir以Chok爆Model Look進場，並獻唱《浪子心聲》，雖然偶有走音，仍獲全場鼓勵。他笑說：「一個中文老師開騷，個名只得一個中文字。」隨即展開「門」字的教學。

其後，Ben Sir又問現場有否12歲以下的小朋友？皆因內容不但有粗口及色情成份，最重要是有中產最忌的「粵語癌」，說：「家長點解唔教小朋友講屙屎，要講BuBu，屙尿又要講WeWe呢？WeWe演化落去變HeHe，即係家長寧願小朋友做HeHe都唔好講廣東話。」他又笑指擔心有淫審處職員扮觀眾「裝」他，故在場內設有兩間房給小朋友讀有益讀物。