Torres鍾意余文樂啲紋身　楊千嬅禁阿仔紋女友個名

「第二屆澳門國際影展暨頒獎典禮」記者會於澳門旅遊觀光塔舉行。楊千嬅獲委任為「明星大使」，與太陽城集團主席周焯華及各地電影代表一同主禮揭幕儀式。

談到影展將於12月舉行，千嬅直言屆時可帶兒子Torres睇電影，並表示小朋友創作空間很闊，睇戲時需要慎重選擇。千嬅又大爆Torres對余文樂身上的紋身相當感興趣，若Torres在派對上見到有臉部彩繪，會要求將彩繪畫在手上。 問到可介意兒子長大後紋身？千嬅說：「我會同佢講個後果囉，例如好痛咁。（如果紋女朋友名？）會叫佢唔好紋女友個名，除非好肯定，唔係會好尷尬。我會講媽媽都遇過呢啲尷尬事，會作個故事同劇本，千祈唔好紋。（紋你個名呢？）千祈唔好啊！會俾人覺得佢好有事，標籤為裙腳仔。」