Kelly Online：誠招肉類分割技術員　聲稱名師來自法國

本港8大豬牛肉類商會，上年為咗吸引多啲後生仔入行，將「豬肉佬」正名為「肉類分割技術員」，仲同埋僱員再培訓局辦免費證書課程。但可能課程唔夠吸引，有豬肉檔主為咗搵學徒，會搵法國名師親自指導分割豬肉。 有網民笑言，該招聘廣告應該用法文寫先岩，即係「誠徵Viande Technicien de coupe」，但亦有人質疑法國人並唔係擅長劏豬，應該賣魚先岩。另外有人就理性分析話，法國名師其實係嚟自法國嘅黑毛豬咁。