吳君如爆女兒有6個社交網帳戶：想知佢同學圈叫佢拍片上網

2017-06-11 18:21

吳君如以大使身份出席「第一屆香港兒童國際電影節」，她笑言今次沒有收酬勞，擔任首屆大使望可推動電影文化。自認並非廿四孝媽媽的君如，說帶女兒睇電影，絕對是家長之最，但跟另一半陳可辛也是電影監製，故女兒陳是知無辦法不接觸電影。君如認為看電影作為親子活動，好過經常拎住手機，因為入場後有兩三小時會好安靜。

談到可會考慮製作兒童電影？君如笑謂兩年前想過，但轉了方針，因自覺未必拍到適合小朋友思維的老少咸宜電影；她笑言一直想探討下女兒的同學圈，所以提議囡囡拍片放上社交網站，可以一石二鳥。她說：「佢有六個帳戶，都肯加我做朋友，我信她不會接觸色情、暴力，不過要接觸都會接觸到。」君如話有同女兒講，想要她給Like先要做得好才會給；她又自爆特別買了Like字印台，鼓勵女兒儲夠100個印可以做自己喜歡的事，因為給予小朋友認同感很重要。