紅館塌台「戥」親個Pat　蔡一智返家休息將缺席今晚表演

林敏驄今晚於紅館舉行的作品展演唱會，在下午綵排時發生塌台意外，造成逾10人受傷，其中草蜢的蔡一智臀部受傷。 其經理人林珊珊回應傳媒查訪，直言當時現場情況有少許混亂，但強調阿智沒大礙，說：「阿智Pat Pat有啲痛，『戥』親個Pat，冇事，我剛送咗佢返屋企回家休息，所以今晚阿智唔會返紅館表演，我都剛剛報咗平安畀傑仔（蔡一傑）同蘇老闆（蘇志威），佢哋都知道，多謝記者關心。冇事冇事，其他狀況等主辦單位同大家交代。因為傑仔同蘇老闆現仍在紅館，都要等主辦睇吓點樣安排啲藝人跟住落嚟啲Rundown應該點做法。」

另外，有份參與這演出的劉浩龍表示，意外時已綵排完離開紅館，多謝大家關心。他說：「我無事，我都了解當中，希望唔好有人受傷，如果不幸有人受傷，都希望唔嚴重。」