衛詩雅睇NBA直播吼中靚仔球星

衛詩雅熱愛運動，今日一大早就參與了籃球迷聚會，跟過百球迷齊齊睇NBA總決賽Game 4直播！詩雅在現場心情興奮，她更與來自美國的底特律活塞隊吉祥物Hooper大派禮物，炒熱氣氛。 詩雅坦言一直都非常渴望可以去現場睇一次NBA籃球比賽，見過網上片段有些觀眾於比賽中場求婚，十分浪漫。她說：「一定會好驚喜，不過應唔應承就要到時先算啦，哈哈。」 原來詩雅全家都是運動高手，她泳術了得更做過救生員，爸爸則愛好潛水，並謂：「今朝我出門口睇波佢就出去潛水，家姐係籃球隊隊員，細佬就係十項全能，好叻仔。」

被問到是否做運動的男生特別吸引？詩雅即坦白謂第一個暗戀對象正是校內籃球隊隊員，那時閒來無事就會睇對方練波，「剛剛睇波都覺得一個叫Kevin Love的球員幾靚仔，個名仲幾浪漫。」詩雅希望將來有機會可以親身跟Kevin Love會面。