感謝圈中好友協助安息禮　陳佩華兒子：完滿一如媽媽想法

資深電影人陳佩華於上月28日癌症病逝，今早10時於鑽石山火葬場舉行安葬禮拜。約9時15分，親友陸續同場，圈中好友葉德嫻、樂易玲、王祖藍、李亞男、曾醒明、何麗全、劉偉強、關信輝等，親臨作最後送別。 儀式約於10時25分結束，陳佩華兒子陳永康、樂易玲及王祖藍一同接受訪問。陳永康說：「代表媽媽、家人，傳媒朋友辛苦啦，多謝你地嘅來臨。更加好想多謝媽媽好多嘅圈中朋友、治喪委員會，幫助做呢個安息禮。件事好完滿，一如媽媽嘅想法，希望可以突顯到神，榮耀到神，將福音帶畀唔同朋友。」

問到樂易玲跟佩華姐的深刻時刻？樂易玲說：「我哋個個台前幕後嘅，都好掛住佢。佢成日都安慰我哋，叫我哋放心，佢OK，仲叫我哋一定要感恩。我哋所有人都會放喺心入面。」樂易玲再次感謝所有圈中好友，正直康城影展仍然收到不少慰問及帛金。提到昨晚劉德華跟太太朱麗倩出席安息禮，問到華仔心情如何？王祖藍淡淡說：「呢個唔講喇。」 問到祖藍可有說話未跟佩華姐說？他說：「無！佢咩都同我哋講過，我哋又咩都同佢講。佢嘅心意我哋都收到，我哋嘅心意佢亦收到。（心情已平伏？）佢要我哋開心，我哋就開心。」（攝影：鄧國良）