【親自送別佩華姐】劉德華逗留1個多鐘頭　朱麗倩扶實上車離開

資深電影人陳佩華於上月28日病逝，終年68歲，今晚舉行安息禮拜。視佩華姐為親人的劉德華到禮堂送別，於7時半左右到達，逗留一個鐘頭多後，華仔有太太朱麗倩扶實，右手撐著拐杖從禮堂正門步行往後門離開。華仔並無舉步為艱，夫婦均穿上黑色素服及戴口罩。大批傳媒包圍後門，後門嚴陣以待落半閘，華仔的白色7人車泊在後門，全車拉上簾，華仔自行上車，亦不見其步履辛苦。

其實華仔自年初在泰國拍廣告墮馬受傷後，在醫院休養了兩個多月才出院，其後專心在家復健，今次首度被拍下他出門。早於80年代入行不久，華仔已認識佩華姐，二人多年來合作無間，感情如親人般深厚。