用溫柔Tone講港女潮語　《撒嬌》純純騷最強嗲功　

熱播劇《不懂撒嬌的女人》中，台妹張瑋純（Mico）飾演王浩信的索爆表妹「純純」，不止在劇中以小背心、熱褲騷弗爆身材，再加埋爐火純青的嗲功，講起疊字扮可愛時，殺死不少男性網民。

《撒嬌》帶出港女比起進撃的台妹、內地美女，語氣硬梆梆又不解溫柔。今次有Mico遇上「港女潮語」，其深厚功力令潮語生色不少，講乜都好入耳，撒嬌程度達100分。Mico努力用唔鹹唔淡的廣東話演繹出「我真係恭喜你啊」、「真係㗎？點解嘅？你好叻呀！」、「我接受唔到囉」、「講呢啲！傻的嗎？」、「你依家咩態度呀？係咪嫌命長？」Mico以台妹撒嬌tone講出潮語，效果只有嬌嗲，聽到人都冧。另外，Mico不時在社交平台晒健身相，佢亦自爆一星期操肌操足4日，先能夠Keep住美好身段，免得上鏡時被觀眾睇到贅肉，果然專業。