《撒嬌》向《創世紀》致敬　Saving許文彪上身：呢個世界公平咩

無線熱播劇《不懂撒嬌的女人》昨晚播的一集，去到尾聲時王浩信演的Saving重現《創世紀》許文彪（陳錦鴻演）的經典一幕：「呢個世界公平咩？」，仲幫廣大打工仔實現夢想：今晚打老闆！兜鎚窩落袁文傑塊面：「游生我忍你好耐，你都有今日喇！」 myTV SUPER臉書就特登剪輯埋《創世紀》一幕出來給大家看，有網民就以新舊人作比較，讚舊彈新，但亦有網民平反，好明顯《撒嬌》編劇是向《創》劇致敬，讓觀眾會心一笑！不過好多都有留言鼓勵，雖然新不如舊，但《撒嬌》都是有誠意有進步之作，叫編劇、導演同演員齊齊加油啊！