智叔戴煲呔扮過氣財爺　吳鎮宇留長髮演高官嘲似民初人

劉德華監製的福斯傳媒（FOX）迷你劇《香港華爾街》在吉隆坡一所大學搭建拍攝一場香港立法局戲份， 吳鎮宇、廖啟智、台灣男星張孝全、內地女星余男、陸駿光、梁健平和蔡潔等出席。 飾演經濟及發展局副局長的鎮宇和財政司的智叔，以一身高官西裝造型出現，鎮宇特別留了一頭長髮，他呻：「啲高官個個都唔知點解，好少剪到啲頭髮好短，個頭好似民初人咁。」演繹上鎮宇特別將聲線放輕兼冇起伏，「見到啲高官喺立法局報告時都係咁嘅，講咩把聲都係好平，就算俾啲議員『小』，都係笑笑口。」戴了煲呔的智叔就笑指，「我過咗氣啦！（係咪扮緊邊個？）劇組買咗好多煲呔，冇人肯戴啫！」更笑指是次投資方水頭充足，所以劇組有大量不同的道具戲服提供。