望體驗世界　鄭欣宜計劃單拖去尼泊爾　

鄭欣宜到商台宣傳電影《29+1》，她表示明天跟導演啟程到法國參加康城及尼斯影展，會在當地逗留3日，再轉到上海拍戲，接住返港為父親鄭少秋演唱會綵排及到內地宣傳電影，甚至本月30日的30歲生日也要到東莞工作。

欣宜自言想體驗世界，事緣去年生日跟朋友到峇里旅行，在地道大排檔後巷，見到一位赤腳小朋友拿著黑色垃圾袋、兩枝棍同一條繩，她說 ：「原來佢想玩風箏，佢用眼神叫我陪佢一齊玩，跟住喺條巷跑嚟跑去，佢每次擰轉頭望我都好開心，令我知道快樂原來係可以免費。過去9年一直工作，現在才發現認識的很少，曾計劃獨自去尼泊爾等地體驗，或者跟慈善機構探訪。」問她可會用影相或文字紀錄行程所見所聞，將來作出書之用？她說：「我唔抗拒，但文筆唔好，又怕3分鐘熱度，不過最近買咗部相機想學影相。」