喊到眼腫　鄭欣宜入圍尼斯影展角逐「最佳女配角」

由彭秀慧執導、周秀娜和鄭欣宜主演的女性話題電影《29+1》，入圍法國尼斯國際影展四大獎項，包括最佳外語劇情片、最佳導演、最佳原創劇本，以及最佳女配角。 有份角逐外語劇情片「最佳女配角」的欣宜激動到喊，她說：「係癲咗，喊到眼腫晒！我從來都對自己演戲冇信心，冇諗過有任何演戲上嘅提名，所以已經係贏咗。我喺拍攝時好質疑自己會唔會影衰呢個角色，好感激導演畀我嘅信心，今次提名真係一支非常大嘅強心針，估唔到係海外提名。」 導演彭秀慧同樣首次獲提名影展界別的獎項，感到十分開心，她說：「其實今朝我知道消息後，打俾Joyce直接faceTime，同佢一講就喊啦，我反而冇佢咁激動，但我都受寵若驚。」對於電影喜獲尼斯國際影展4項提名，周秀娜表示開心，希望導演及欣宜攞獎，一齊去法國。