囝囝2個月入名校要200萬　蘇永康搵楊千嬅做明燈

蘇永康昨日母親節於澳門舉行「蘇式情歌演唱會」，蘇媽媽、囝囝展弘（Jazz）、老婆馮翠珊、外母也有捧場。蘇康特別選唱張國榮的《追》送給太太及Jazz，本來想帶囝囝上台，可惜Jazz由開場喊到完場，老婆一直在後台忙湊仔，無時間睇騷。 有仔萬事足的蘇康演出後第一時間返後台睇仔，他坦言因為不是年輕做父親，所以非常珍惜跟兒子相處的時間，不想錯過他成長的每一刻。談到老婆以媽媽身份過第一個母親節，蘇康謂忙工作沒時間去買禮物，幸好老婆沒有怪他，又笑指阿仔仍有得收利是，人仔細細已經非常有米，老婆應該拿阿仔部份利是去買禮物，當作是阿仔送給媽咪。

Jazz才兩個多月大，蘇康已經開始煩囝囝的讀書問題，並為Jazz報定Playgroup。他說：「8至10個月就要去讀Playgroup啦，所以近日我老婆已經叫我搞報名，先知依家讀書咁複雜又貴。個仔出世無兩日，梁芷珊已經帶咗成大堆報名表畀我，話有間即將開嘅英國學校，入場費200萬，嘩，真係貴到呢！我其實都唔係好識，所以準備等千嬅忙完，我都想約佢出嚟問下心得，請千嬅做指路明燈。」