夏日熱辣辣　Oppa出國愛露趾　

夏日炎炎，著起涼鞋畀腳趾抖抖氣零舍舒暢，韓星姜河那今日抵台時著涼鞋露瘀血腳趾，其實Oppa們都冇乜所謂夠率性，靚腳趾抑或有灰甲，一於照露可也。 1. 宋仲基 去年6月，主演《太陽的後裔》的宋仲基來港開粉絲見面會，一身便裝加埋腳踏涼鞋抵港，夠晒涼爽。

2. 李光洙 為撐好兄弟宋仲基，李光洙去年亦來港擔任見面會嘉賓，落機Look同宋仲基襯埋，T恤長褲加涼鞋。不過望真啲，光洙左右腳趾公都有灰甲，處理下好噃。

3. 始源@Super Junior 韓國人氣組合Super Junior於2013年6月在香港開騷，始源在抵港時著上啡色羅馬涼鞋，腳趾靚靚，過關。