預計兩個月後復出　華仔3秘招極速痊癒

劉德華（華仔）於今年初在泰國拍廣告時墮馬受傷，造成盆骨撕裂，入住養和醫院51日後秘密出院，現正在家專心養傷。據最新一期《東周刊》報道，以華仔的傷勢，目前康復進度超乎預期地理想，估計再休養多兩個月，有望於7月全面復工。 華仔受重傷後能極速痊癒，老婆朱麗倩在背後的支持和照顧功不可沒。她每日既要頻撲照料行動不便的老公，又要湊4歲囡囡向蕙，為照顧夫家不辭勞苦。日前朱麗倩現身一間素食品批發店掃貨，悉心為老公準備愛心餐，見她眼袋浮腫，樣子明顯憔悴不少。

另外，朱麗倩又安排台灣祥德寺住持、得道高僧地皎法師專程來港，親身上門為老公發功，令華仔的康復進度如有神助。加上中藥調理，以及水療治療，中西合璧雙管齊下，難怪華仔都拍片預告：「我好快就跑跑跳跳、談談笑笑，同大家見面。」據悉，華仔夫婦多年來誠心禮佛，朱麗倩亦不時到訪佛堂，誦經聽道、捐獻做功德。《東周刊》發現位於華仔加多利山的寓所，不時有高僧出入，並由劉家的司機及七人車接送，估計是當面向華仔誦經祈福，保佑他盡快康復。