李克勤戴罩場外撐大仔　見證奪國際象棋賽第3名

李克勤、泳兒、洪卓立（Ken）、鍾舒漫、羅力威出席活動，正忙於錄新碟的克勤，日前特地抽空支持大仔Ryan參加國際象棋比賽，由早上8時至晚上6時遠距離支持，囝囝一隊贏得第三名，他說：「唔可以出現，費事搞寸個場，戴口罩遠望，冇得入場，喺車等。（捉棋是否也贏不到囝囝？）梗係唔得啦！」另外，克勤趕緊錄新歌，其中一首將舊歌《舊歡如夢》改詞，並請來原唱者譚炳文唱兩句。克勤表示新碟已做了一年，原本與舊公司的精選碟同期出，精選碟已推出兼賣得好，雖然與他荷包無關，但也是好事對舊公司有交代。

另外，出席同一場合的Ken指，自哥哥榮升爸爸，母親亦樂於湊孫。當被問及母親日後可會幫他湊B？他笑說計劃生B，但不會那麼快，現時跟女友湯怡正計劃下次旅行，齊齊拍旅遊片搵銀。談到他經常外遊會否像孫耀威般秘婚？Ken指很羨慕對方，覺得旅行結婚好浪漫：「我哋都好想，但應該唔會，一定唔會拍自己結婚或求婚，唔會公開。」