周汶錡遺憾佗B冇升Cup　產後修身快皆因湊仔太累

周汶錡（Kathy）谷胸現身活動，笑稱曾幻想佗仔時上圍會升Cup，但遺憾地一Cup都沒升過。Kathy指細仔Anver剛滿月，屬「惡湊」BB，說：「睇得出佢會恰哥哥，連聲線都比哥哥惡。佢大得好快，開始似哥哥，不過最似都係老公。（令你瞓唔到覺？）OK啦！有陪月幫手，有時都會聽到佢聲嘶力竭嘅喊聲，又好想人哋抱，有安全感，但我唔想抱太多，怕黐身。大仔（Jacques）21個月大，好活躍，對住佢好嘥精力，瘦身快係因為照顧佢，都幾累，喺屋企對住佢運動量都多咗，媽咪都有幫手湊，依家我一著衫佢就扭計，會叫我剝衫、剝鞋畀佢睇，又會攞我嘅首飾搞搞陣，因佢覺得似玩具，整唔見就大件事。」 Kathy又指長子懂得打開垃圾桶蓋後更教她提心吊膽，說：「佢試過幾份禮物連包裝紙一齊丟掉，現在我唔畀佢入廚房，否則可能會有啲寶喺到，我都怕佢將戒指丟掉。」（攝影：譚志光）