周汶锜遗憾佗B冇升Cup　产后修身快皆因凑仔太累

周汶锜（Kathy）谷胸现身活动，笑称曾幻想佗仔时上围会升Cup，但遗憾地一Cup都没升过。Kathy指细仔Anver刚满月，属「恶凑」BB，说：「睇得出佢会恰哥哥，连声线都比哥哥恶。佢大得好快，开始似哥哥，不过最似都系老公。（令你瞓唔到觉？）OK啦！有陪月帮手，有时都会听到佢声嘶力竭嘅喊声，又好想人哋抱，有安全感，但我唔想抱太多，怕黐身。大仔（Jacques）21个月大，好活跃，对住佢好嘥精力，瘦身快系因为照顾佢，都几累，喺屋企对住佢运动量都多咗，妈咪都有帮手凑，依家我一著衫佢就扭计，会叫我剥衫、剥鞋畀佢睇，又会攞我嘅首饰搞搞阵，因佢觉得似玩具，整唔见就大件事。」 Kathy又指长子懂得打开垃圾桶盖后更教她提心吊胆，说：「佢试过几份礼物连包装纸一齐丢掉，现在我唔畀佢入厨房，否则可能会有啲宝喺到，我都怕佢将戒指丢掉。」（摄影：谭志光）